【中環】雪糕筒×Pizza 輕鬆方便行住食

飲食

廣告

某日行經中環,見到幾個人拿著雪糕筒,以為佢哋天氣熱想消暑。望真啲,竟然係Pizza?事緣老闆一次在家打算焗薄餅,突然收到急Call,餅都未焗就放在杯上,回家後發現麵糰下陷成雪糕筒形狀,便成就了這個手握筒Pizza 的出現。於意大利訂造機器,在香港工埸製作手握筒麵糰,加上自製茄醬和各款意大利入口的配料後焗4分鐘,雪糕筒Pizza 就完成,買完即刻行住食,啱晒咩都趕的香港人。現時主打經典辣肉腸、Margherita、夏威夷風味款式,但亦顧及港人口味而有變化,增加薄餅上蔬菜的份量,以及為棉花糖迷而設的甜味Pizza,自選配料亦得。老闆仲話將會再開分店,繼續發掘手握筒的潛力和新口味,包括放上沙律、薯條,甚至炒飯!這個Pizza 新玩法實在來勢洶洶。

Move & Pizza
‧地址:香港中環碼頭下層C舖 (顯示地圖)
‧營業時間:12nn-10pm

延伸閱讀:繼續捕獲! MINIONS食潮停不了! @CHARMAINE

【尖沙咀】韓國弘大殺入香港 巨形魷魚震撼登場!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..